Lazio mposht Sociedadin dhe 'blindon' vendin e parë në Euroa League

Nuk e kanë humbur asnjë ndeshje! Futbollistët e Lazios e mbytën duelin ndaj Real Sociedadit për vetëm dy minuta, duke shënuar 3 gola. Mario Gila e zhbllokoi rezultatin pas 300 sekondave lojë, duke krijuar epërsinë e hershme për vendasit, njofton Klankosova.tv. Mattia Zaccagni në minutën e 32-të dhe Taty Castellanos vetëm 120 sekonda më vonë, e determinuan fituesin në këtë ballafaqim të vlefshëm për xhiron e shtatë në UEFA Europa League. Krejt çka arriti skuadra spanjolle sonte, ishte shënimi i golit të "nderit", kur Ander Barrenetxea e gjeti rrjetën, për ta vendosur rezultatin përfundimtar 3-1. Pas këtij triumfi, kryeqytetasit e kaltër të Italisë, e kanë blinduar vendin e parë në këtë kompeticion, duke grumbulluar 19 pikë, me gjashtë fitore e një barazim, raporton Klankosova.tv. Nga ana tjetër Sociedadi me 10 pikë, në ndeshjen kundër PAOK-ut të Selanikut, do ta kërkojë kualifikimin për fazën me eliminim direkt.