Lautaro sërish nuk është 100% i gatshëm, statistika e jashtëzakonshme e Interit pa të në fushë

Lautaro mungon? Asnjë problem, në 27 ndeshjet e fundit pa të, Interi nuk ka humbur kurrë. Konfirmimi i radhës erdhi në Amsterdam në debutimin evropian të Cristian Chivu në pankinën zikaltër, Thuram vendimtar, një gol për çdo pjesë, 3 pikë në xhep pa ndonjë vuajtje të veçantë. Një prirje që tashmë përsëritet prej vitesh: nëse Lautaro Martinez mungon, qoftë për shkak dëmtimi, pezullimi apo pushimi paraprak, skuadra sërish funksionon shkëlqyeshëm. Aq sa në 27 ndeshjet e fundit ku ka munguar argjentinasi, Interi nuk ka humbur kurrë, duke mbledhur plot 21 fitore dhe 6 barazime. Humbja e fundit e Interit pa kapitenin në fushë daton më 19 mars 2019, në Serie A, kundër Lazios së drejtuar nga Simone Inzaghi. Lautaro Martinez ka një lëndim në shpinë që e mbajti jashtë sfidës me Ajaxin në Champions, teksa edhe ndaj Sassuolos në kampionat pritet të jetë në stol.