Larne që e eliminoi Ballkanin, sonte fitoi ndaj ish-kampionit të Belgjikës

Të gjithë u befasuan kur kampioni i Kosovës u eliminua prej kualifikimeve të UEFA Europa Conference League, nga Larne e Irlandës së Veriut. Këta të fundit po konsideroheshin kundërshtar i "konvenueshëm" për Ballkanin, por ndodhi e kundërta Irlandezo-veriorët i mposhtën me penallti suharekasit, ku pastaj arritën edhe të hyjnë në grupet e këtij kompeticioni evropian, raporton Klankosova.tv. Ndonëse në pesë xhirot e para nuk lanë gjurmë, sonte në Belfast ndodhi mrekullia për vendasit. Larne mori 3 pikë pasi e mundi ish-kampionin e Belgjikës, KAA Gent, me rezultat 1-0. Tomas Cosgrove e shënoi golin e fitores në minutën e 74, njofton Klankosova.tv. Belgët me 9 pikë gjenden në pozitën e 17-të, kurse triumfatorët e kësaj mbrëmje, renditen në vendin e 34 me 3 pikë.