Lakersat rikthehen te fitorja, Bucks e Phoenix vazhdojnë me paraqitje fanastike

Liga më e fortë në botë për basketboll, NBA po vazhdon të dhurojë ndeshje fantastike, me përfundime dramatike. Kjo u pa mirë sidomos në përballjen mes Golden State Warriors dhe Utah Jazz, që përfundoi me rezultat 129-118. “Luftëtarët” e nisën fantazi çerekun e parë duke triumfuar me rezultat 37-23, derisa në atë të dytin Jazz u rikthye duke e fituar me rezultat 28-22. Çereku i tretë ishte mjaft i ngushtë, por Warriors e fituan me rezultat 38-35. Teksa çereku i fundit ishte i barabartë me rezultat 32-32. Më i dalluari në fitoren e Warrios, ishte i zakonshmi, Steph Curry, me 33 pikë, pesë kërcime dhe katër asistime, njofton Klankosova.tv. Ndërkohë Phoenix Suns po vazhdon me formë të mirë, këtë herë e mposhti Detroit Pistons, me rezultat të ngushtë 108-102. Më të mirët në fitoren e Suns ishin Deandre Ayton, me double-double, 28 pikë, 12 kërcime dhe një asistim, dhe Devin Booker, i cili shtoi 21 pikë, shtatë kërcime dhe pesë asistime. Teksa Los Angeles Lakers e arritën vetëm fitoren e gjashtë në ligë, duke e mposhtur San Antonio Sprus me rezultat 105-94, njofton Klankosova.tv. Të gjitha ndeshjet: Më të dalluarit te Lakers ishin Anthony Davis me 25 pikë, 15 kërcime dhe katër asistime, teksa Lebron James me 21 pikë, tetë kërcime dhe pesë asistime. Orlando Magic – Philadelphia 76ers 99-107 New York Knicks – Portland Trail Blazers 129-132 Boston Celtics – Sacramento Kings 122-104 Houston Rockets – Atlanta Hawks 128-122 Indiana Pacers – Brooklyn Nets 128-117 Memphis Grizzlies – New Orleans Pelicans 132-111 Miami Heat – Washington Wizards 110-107 Milwaukee Bucks – Cleveland Cavaliers 117-102 Oklahoma City Thunder – Chicago Bulls 123-119 San Antonio Spurs – Los Angeles Lakers 94-105 Phoenix Suns – Detroit Pistons 108-102 Golden State Warriors – Utah Jazz 129-118 Los Angeles Clippers – Denver Nuggets 104-114