Lajm i mirë për fansat e Barcelonës: Lewandowski rikuperohet nga lëndimi

Barcelona nuk qëndroi gjatë pa sulmuesin e saj. Sipas BarcaTimes, u zbulua sot se sulmuesi 37-vjeçar i Barcelonës dhe Polonisë, Robert Lewandowski, është rikuperuar plotësisht nga dëmtimi i tij dhe tashmë ka rifilluar stërvitjen e plotë me skuadrën. Lewandowski pësoi lëndimin ndërsa luante për ekipin kombëtar polak kundër Lituanisë më 12 tetor. Në atë kohë, atij iu diagnostikua një këputje e muskulit të kofshës së majtë. Për shkak të këtij dëmtimi, Lewandowski u detyrua të humbiste El Clasicon, në të cilin Blaugranët pësuan një humbje 2-1, transmeton Klankosova.tv Aktualisht, Lewandowski është në fazën e fundit të rikuperimit të tij dhe po përgatitet për ndeshjen e së dielës kundër Elche, raporton Mundo Deportivo, pavarësisht parashikimeve të mëparshme se ai do të qëndronte jashtë fushave për më shumë se një muaj. / Klankosova.tv