Lady Gaga e konfirmon se do të jetë pjesë e filmit "Folie a Deux"

Këngëtarja dhe aktorja e njohur amerikane Lady Gaga ka konfirmuar në rrjetet sociale se do të luajë bashkë me aktorin fitues të Oskarit, Joaquin Phoenix në vazhdimin e ardhshëm të "Joker". "Joker: Folie a Deux. 10.04.24", ka postuar Gaga nw Instagram, derisa mesazhin e shoqëroi me një video të shkurtër të animuar me titullin e filmit, datën e publikimit dhe fjalët, "Phoenix" dhe "Gaga". Postimi ka marrë afro 5 milionë shikime që kur është shpërndarë. "Folie a Deux" është vazhdimi i Joker-it të 2019-ës. Regjisori Todd Phillips po kthehet për vazhdimin.