Kuvendi ''gjysmak'': Rikthehet pozita, i hakmerret opozita (VIDEO)

Su panë 4 javë e 4 ditë në parlament, e duarshtrëngimet këtë të mërkurë nuk munguan. Pos muhabeteve mes deputetëve të Vetëvendosjes, dikush pritjen e shfrytëzoi për pak grim, raporton Klan Kosova. Të tjerë po e kryenin një videolidhje me dikë jashtë. E disa kolegë të tyre opozitarë bashkë me Ariana Musliun e shikojnë videon e kësaj të fundit që ishte mysafire në Klan të martën. Opozita, edhe pse në sallë, nuk votonte pjesëmarrjen, e kryekuvendari një çast humbi durimin me kolegët partiakë që s’po i bënin 61 vota. Pas disa tentimeve u arrit shumica e thjeshtë, e kaloi disa ligje nisur nga ai për rrugët e për Zyrtarët Publikë. Ky u cilësua si goditje për administratën shtetërore nga opozita. Ligji për automjete, për heqjen e vjetërsisë prej 10 vjet, dështoi, ani se iniciuesi e ndryshoi pak. Në këto kushte, tri marrëveshje ndërkombëtare u shtynë, por kaloi rezoluta për 3 vjet qeverisje. Kjo qe seanca e parë ku pozita mori pjesë pas bojkotit të 4 të tillave të ftuara nga opozita. https://www.youtube.com/watch?v=k6n2gwHNbB0