Kush u zgjodh MVP i javës së 10-të në Superligën e Kosovës në basketboll?

Në javën e dhjetë të Prince Caffe Superligës u zhvilluan disa ndeshje interesante, por edhe dramatike. Sigal Prishtina shënoi fitore të rëndësishme, duke triumfuar në Gjakovë ndaj Vëllaznimit, ndërsa basketbollisti më i mirë në parket ishte Derrick Wilson i Prishtinës me 19 pikë, tetë kërcime e gjashtë asistime, duke pasur indeksin e ndeshjes 28 apo më të lartën e kësaj jave. Me këto shifra Wilson u zgjodh MVP i javës së 10-të në elitën e basketbollit kosovar. Bashkë me Derrick Wilson në pesëshen e xhiros së 10-të bëjnë pjesë:  Dustin Thomas (Sigal Prishtina) 19 pikë, 7 kërcime, 1 asistim Erjon Kastrati (Trepça) 26 pikë, 9 kërcime, 3 asistime Drilon Hajrizi (Trepça) 22 pikë, 8 kërcime, 5 asistime Fahro Alihoxhiq (Bashkimi) 19 pikë, 8 kërcime