Kurti takohet me kryeministrin e Luksemburgut, i përmend synimin për anëtarësim në BE, KiE dhe NATO

Kryeministri në detyrë i Kosovës, Albin Kurti, në margjinat e Forumit Ekonomik Botëror në Davos, është takuar me Kryeministrin e Luksemburgut, Luc Frieden.

Në njoftimin e ZKM-së thuhet se Kurti ka shprehur mirënjohjen ndaj Luksemburgut për përkrahjen e vazhdueshme ndaj shtetit tonë në të gjitha etapat e shtetndërtimit.

“Në vijim, theksoi progresin demokratik dhe ekonomik të vendit dhe synimet e Kosovës për anëtarësim në Bashkimin Evropian, Këshillin e Evropës dhe NATO, gjersa falënderoi Luksemburgun për mbështetjen ndaj Kosovës në këto procese.

U bisedua edhe mbi fuqizimin e marrëdhënieve bilaterale, thellimin e bashkëpunimit përfshirë në arsim dhe investime dhe rritjes së lidhjeve kulturore mes shteteve dhe popujve tanë.” – përfundon njoftimi.