Kryeministri i Kosovës, Albin Kurti, ka dhënë sinjale se mund të arrihet një pajtim për çështjen e targave. Sipas planit të qeverisë të hënën e 21 nëntorit nis faza e dytë për qasjen ndaj targave KM e të tjera që i lëshon Serbia për qytetet e Kosovës.
Planifikohet shqiptimi i gjobave për ngasësit veturave që mbajnë ato.
“Në njërën anë ne po e bëjmë më të mirën që të ruajmë ligjshmërinë dhe kushtetutshmërinë e vendit tonë, kurse në anën tjetër për të ruajtur paqen dhe sigurinë. Unë jam optimist, por qasja e Beogradit ka qenë mjaft penguese e destruktive. Në ditët në vijim ne do të shohim sa të suksesshëm ne do jemi në këto negociatat më të reja”, tha Kurti, nga Estonia, ku u prit nga homologia estoneze, Kaja Kallas.
Kryeministri, thirri serbët që të ju besojnë institucioneve të vendit e mos t’i lëshojnë ato, derisa akuzoi Beogradin se urdhëroi daljen e serbëve lokalë prej tyre.
“Neve na duhet marrëveshje me Serbinë, që është ujdi finale, ligjërisht obliguese për normalizim të plotë të marrëdhënieve me njohjen reciproke si pjesë qendrore të saj”.
Kur u pyet për Gjykatën Speciale me seli në Hagë, Kurti, kujtoi gjitha krimet që i ka bërë Serbia në Kosovë, duke shtuar se do bëhen gjykime në mungesë dhe se pajtimi sipas tij s’mund të arrihet pa drejtësi.
Nga ana e saj Kallas, tha se ky vend i saj Estonia është mbështetës i republikës së Kosovës në aspiratat e saj euroatlantike.
Ajo përgëzoi Prishtinën zyrtare për rreshtim krah Bashkimit Evropian në vendosjen e sanksioneve ndaj Rusisë për shkak luftës në Ukrainë.
https://www.youtube.com/watch?v=x0i1EYjM63o
●●●
LISHKRIMI NGA
L I
Editorial nga Klan Kosova — ndjek video lajme dhe zhvillimet e tjera kryesore të vendit.
