Kurti i lumtur: Dardanët i dalin zot Kosovës!

Mbrëmjen e së enjtes, Kosova ka shënuar fitore ndaj Irlandës në kualifikimet për Kupën e Botës në basketboll me rezultat 83:76. Këtij lajmi i është gëzuar kryeministri i Kosovës, Albin Kurti, i cili ua dedikoi Dardanëve një postim në Facebook, pasi ishte prezent edhe gjatë lojës. “Dardanët i dalin zot Kosovës!”, e ka nisur Kurti postimin. “Në palestrën e mbushur përplot të Pallatit të Rinisë dhe Sportit, në çerekun e fundit të lojës të gjithë ishim në këmbë në kërkim të fitores. 83 me 76 ishte rezultati fitues i basketbollistëve tanë ndaj Irlandës.  Këtë të diel, e luajmë ndeshjen e radhës si mysafir kundër Azerbajxhanit. Duke besuar në sukses, vazhdojmë me hapa të sigurt në rrugëtimin tonë për parakualifikimet e Kupës së Botës”, ka shtuar më tej kreu i qeverisë së Kosovës, njofton Klankosova.tv. https://klankosova.tv/kosova-mbahet-deri-ne-fund-fitore-e-madhe-ndaj-irlandes/