Kur Maradona hyri në ringun e boksit për t'u përballur me boksier profesionist, 'grushtoi' edhe gjyqtarin (VIDEO)

Legjenda e Argjentinës, Diego Maradona, dikur mori pjesë në një ndeshje kundër një boksieri profesionist dhe pamjet e ndeshjes janë të jashtëzakonshme. Maradona, i cili vdiq në vitin 2020 në moshën 60 vjeç, është padyshim futbollisti argjentinas më i njohur i të gjitha kohërave, së bashku me Lionel Messin. Qoftë në qytetin e tij të lindjes, Lanus, qytetin italian të Napolit apo Barcelonën, trashëgimia e Maradonës vazhdon të jetojë. Në prill të vitit 1996, Maradona 35-vjeçar, që në atë kohë luante për Boca Juniors, hyri në ring kundër mikut të tij Santos 'Falucho' Lacier, një ish-kampion bote në kategoritë super të peshave mizë dhe mizë të WBA dhe WBC. Maradona mbante veshur një mbrojtëse koke, doreza të zeza dhe pantallona të shkurtra të verdha dhe blu gjatë ndeshjes miqësore me tre raunde, shkruan SportBible, transmeton Klankosova.tv Të ardhurat e ndeshjes iu dhuruan Klubit të Gjeneral Paz Junior në Kordoba të Argjentinës, pas asaj që ishte një ndeshje kryesisht argëtuese. Në një moment, dyshja ndaloi së godituri njëri-tjetrin dhe në vend të kësaj filloi ta grushtonte gjyqtarin me shaka, duke e zbavitur turmën. Ndeshja u barazua, por argëtimi nuk u ndal pas përfundimit të saj, pasi argjentinasi i madh vazhdoi t’i joshte tifozët duke bërë lëvizje “keepie uppie” ndërsa qëndronte në ring. /Klankosova.tv https://youtu.be/nTkTShGJX3c