Kur aktori Luran Ahmeti luante në filmin ''Taken''

Aktori i njohur shqiptar Luran Ahmeti, ndërroi jetë këtë të enjte, ku vdekja e tij raportohet se erdhi si pasojë e koronavirusit. Mbase u shua nga kjo botë, megjithatë ai la prapa vetes një bagazh të gjerë të profesionalizmit artistik në botën e filmit, përcjellë Klan Kosova. Ndër sukseset më të mëdha të aktorit ka qenë edhe roli i tij në filmin e famshëm amerikan, ‘Taken’ Në intervistën e tij të parë në Shqipëri të relizuar në vitin 2018, Ahmeti kishte treguar se si nisi karriera e tij dhe lidhja me projektet hollyëoodiane. I pyetur se si u gjet Ahmeti në një film si ‘’Taken’’ ku shqiptarët e ballkanasit nuk ishin në kushte favorizuese, aktori ka rrëfyer ''Unë kam pasur disa oferta nga filma ku më është ofruar roli negativ e unë nuk e kam pranuar dhe më pas ato filma janë bërë shumë të suksesshëm. E vërteta është se mua kjo më hante nga brenda, pse nuk u bëra pjesë e budallallëkut tim''. https://www.youtube.com/watch?v=9FhdYOZoKcs ''Të gjithë ne kemi momentet tona kur bëhemi pishman. Sidomos kur shohim persona të tjerë që bëjnë hapa më të mëdha dhe bëjnë kompromise të ndryshme'', kishte rrëfyer Ahmeti. ''Dhe kemi dobësitë tona ku themi, do ta bëj këtë kompromis. Industria amerikane dhe hollyëoodiane është e madhe, ne nuk mundemi apo t’i kundërvihemi. Taken-in unë doja ta kisha një përvojë… prandaj dhe e pranova'', kishte përfunduar aktori i famshëm shqiptar.