Kundërpërgjigja për trajnerin sllovenin, Foda: Bota rrotullohet, jeta vazhdon

Trajneri i Kosovës, Franco Foda, i është kundërpërgjigjur trajnerit të Sllovenisë Matiazh Kek, i cili kishte deklaruar sot se nëse mposhten nga Kosova, nuk është fundi i botës. Foda u shpreh se "bota rrotullohet dhe jeta vazhdon". “E kemi një grup mjaft të balancuar dhe është një nga grupet më të forta. Po luajmë në shtëpi dhe skuadra ka vetëbesim të mirë pas fitores ndaj Suedisë. Trajneri Kek, bota rrotullohet, jeta vazhdon. Ne do të punojmë dhe do të vazhdojmë. Në ditën e fundit do të dihet kush do ta fitojë grupin, kush do të përfundojë i dyti e kështu me radhë”, deklaroi Foda gjatë konferencës të mbajtur për media transmeton Klankosova.tv. Kosova përballet me Slloveninë nesër me fillim nga ora 20:45 në stadiumin “Fadil Vokrri” në Prishtinë.