"Kultura tejkalon të gjithë kufijtë, Erza dëshmon për këtë"

Ambasada e Francës në Kosovë, e ka përshëndetur koncertin e mbrëmshëm në Prishtinë të artistës së re Erza Muqolli. Ambasada koncertin e talentes muzikore me prejardhje nga Kosova, e ka quajtur sukses të madh paraqitjen e saj. "Koncerti ?i talentes së re Ezra Muqolli mbrëmë ishte një sukses i madh. Duke interpretuar disa këngë klasike franceze, si dhe këngën e saj më të re "Je chanterai", Ezra shprehu gjithë talentin e saj, i përshëndetur me duartrokitje frenetike." Ndërkaq Cécile Fisteberg, Këshilltare për bashkëpunim dhe veprim kulturor në Ambasadën e Francës??️, përshëndeti artisten e re si një ambasadore e Frankofonisë në Kosovë??️. Ajo theksoi se kultura tejkalon gjitha kufijtë, dhe se dëshmitare është vetë Erza. "Kultura tejkalon të gjithë kufijtë, Ezra dëshmon për këtë".