Kuka: Dita e Pavarësisë po afron, 15 Vjet Shtet - një foshnjë e lindur që po rritet e forcohet çdo ditë

Trajneri i xhudos, Driton Kuka, ka vizituar shkollën fillore ku i ka kryer mësimet në Pejë. Këtë e ka bërë të ditur përmes një postimi në Facebook, ku tutje shkruan se aty "mësuan dhe u edukuan edhe kampionet tona olimpike". Ai gjithashtu ka uruar edhe Ditën e Pavarësisë duke bërë thirrje që ta "ruajmë e të forcojmë Kosovën tonë me dashuri e fanatizëm". "Në shkollën fillore ku vijova mësimet! Këtu mësuan dhe u edukuan edhe Kampionet tona Olimpike. Tani më Dita e pavarësisë së shtetit tonë po afron. Ishim mysafirë në SHF “ Asdreni” në Pejë ku u pritëm ngrohtë nga stafi dhe Drejtoresha Agime Lajqi e me theks të veçantë nga fëmijët e mrekullueshëm. 15 Vjet Shtet, një foshnjë e lindur që po rritet e forcohet çdo ditë! Ta ruajmë e forcojmë Kosovën tonë me dashuri e fanatizëm", ka shkruar ai.