Kujtimet për ish-presidentin, Rugova thonë se ishte modest në festime (VIDEO)

79 vjet më parë u lind Presidenti Historik Dr. Ibrahim Rugova. Ndonëse nuk jeton më, ditëlindjen ia shënuan miq e familjarë. I pari i Lidhjes Demokratike të Kosovës, parti kjo që u formua nga vetë Rugova, Lumir Abdixhiku tha se kjo ditë kujton lindjen e një shqiptari të madh. Sa ishte gjallë, ai nuk ishte merakli i festave dhe “ishte tejet modest, ato i festonte më shumë me insistimin e të tjerëve”, kështu u shpreh Islam Visoka, që ishte pjesëtar i sigurimit operativ të Presidentit Rugova në vitin '99. Ai tutje shtoi se ndjehet goxha krenar, që punoi me Presidentin e parë të Republikës së Kosovës. Rugova vdiq në moshën 61-vjeçare, në janar të 2006-ës, nga një sëmundje e rëndë./Klankosova.tv https://www.youtube.com/watch?v=MoLQBJbfkk8