Kryetari i FBK-së e pranon në Asist se gjyqtarët nuk janë paguar tash e dy muaj

Gjyqtarët e basketbollit nuk janë paguar tash e gati tre muaj. Këtë e konfirmoi në emisionin Asist, vet kryetari i Federatës së Basketbollit të Kosovës, Arben Fetahu. "Nuk janë katër muaj siç po proklamohet, por tash e dy muaj nuk i kanë marrë pagat gjyqtarët, kjo është e vërtetë". Fetahu tregoi edhe arsyet pse po ndodh kjo. "FBK ka mungesë të fondeve, nuk kemi mjete. Një sponsor që kishim është larguar dhe kjo e ka vështirësuar gjendjen", vazhdoi kreu i Federatës. Sipas tij, javën tjetër mund të bëjen 3 muaj që po përballen me këto probleme. Emisionin Asist që ka filluar në orën 19:00, mund ta ndiqni ta live, në kanalin Sport 1 në platformën ArtMotion,  kurse pas mesnate, në Klan Kosova.