Kroos: Kishte kohë që e kisha menduar largimin – preferoja pensionimin përpara stolit

Ish-mesfushori i Real Madridit, Toni Kroos, ka dhënë një intervistë në të cilën ka folur për vendimin e tij për tu tërhequr nga futbolli ani pse ishte në kulmin e tij të karrierës Kroos tha për “El Pais Semanal” se kaloi disa muaj duke e menduar pensionimin nga futbolli dhe se vendimin nuk e mori me nxitim. "Kalova disa muaj duke menduar për këtë. Dua të them, nuk u ngrita nga shtrati një mëngjes dhe papritmas i thashë vetes: 'Duhet të dalësh në pension!' Jo, e mendova shumë. E kisha menduar tashmë të dilja në pension një vit më parë, por në fund vendosa të rinovoja për një vit tjetër me Real Madridin, i cili kishte qenë shumë këmbëngulës”. “Por kjo nuk e ndryshoi idenë time, e cila ishte gjithmonë të dilja në pension kështu, dhe për fat të mirë ia kam dalë. Mendoj se është e vështirë të bësh më mirë se sa bëra në sezonin tim të fundit me Real Madridin. U largova pasi fitova La Ligën dhe Ligën e Kampionëve. Mirupafshim", tha Kroos, shkruan Marca, transmeton Klankosova.tv. Tutje, gjermani tha se gjithmonë ka preferuar që të tërhiqej vet, përpara se trajneri ta linte në stol për shkak të mungesës së performancës së tij të mirë. "Gjëja më e mirë është të largohesh me një emocion të mirë. Largohesh me një ndjenjë të mrekullueshme sepse je ti ai që e morët vendimin. Dhe përpara se dikush të më linte në stol sepse nuk isha më aq i mirë ose sepse nuk isha aq i rëndësishëm për ekipin sa isha deri në fund... epo, preferova të largohesha vetë”. “Doja t'i shmangia të gjitha këto. As trajneri im, as familja ime, as trupi im nuk do të më tregonin se kur të tërhiqesha. Nuk mund të qëndrosh deri në moshën 40 vjeç. Duhet të largohesh përpara se trupi yt të ta kërkojë të ndalesh", tha ai, transmeton Klankosova.tv. Kroos ishte një prej lojtarëve kyç te Reali, ku shumë tifozë të futbollit kanë thënë se mungesa e tij është vërejtur menjëherë te klubi mbretëror i cili në sezonin 2024-25 nuk e ka fituar asnjë titull.