Krijuesi i “Squid Game” zbulon se sezoni i parë fillimisht kishte një përfundim tjetër

Krijuesi i Squid Game, Hwang Dong-hyuk, ka folur për përfundimin e sezonit të parë të serialit të njohur të Netflix, dhe se si ai në fakt ishte në mëdyshje mes dy përfundimeve. Gjatë një interviste me Entertainment Weekly, regjisori korean zbuloi se kishte një fund tjetër që mund të kishte ndodhur në vend të asaj që panë shikuesit. Në momentet e fundit të sezonit, Lojtari #456, Seong Gi-huna (Lee Jung-jae), vendos të mos hipën në aeroplan për të parë vajzën e tij, dhe në vend të kësaj, kthehet dhe ecën drejt kamerës. Ky vendim vjen pasi ai përfundimisht vendos të hakmerret për lojën që ua mori jetën e 455 garuesve të tjerë. Tani, Dong-hyuk ka zbuluar se fillimisht kishte pasur një përfundim sezoni krejtësisht të ndryshëm – një që LeBron James me siguri do ta kishte pëlqyer. "Ne vazhdimisht pyesnim veten [pse]", tha ai. “A është vërtet e drejtë që Gi-hun të marrë vendimin të largohet dhe të shkojë ta shohë familjen, për të ndjekur lumturinë e tij? A është kjo mënyra e duhur për ne që vërtet ta propozojmë pyetjen apo mesazhin që donim të përcillnim përmes serialit?” Ai shpjegoi se kishin arritur "në përfundimin se pyetja që donin të propozonim nuk mund të bëhej nëse ai do të largohej në aeroplan". "Pyetjes së cilës duam t'i përgjigjemi: pse bota ka ardhur në atë që është tani? - mund të përgjigjet ose mund të propozohet vetëm nëse Gi-hun kthehej prapa dhe shkonte drejt kamerës. Kështu që ne përfunduam me atë mbyllje në finale.”