Krijuesi i Baby Reindeer nuk i lejon prindërit që ta shikojnë serinë

Krijuesi, Baby Reindeer, Richard Gadd, ka zbuluar që ua ka ndaluar prindërve të tij që ta shikojë serinë në fjalë. Gaddi e shkroi këtë projekt bazuar kryesisht në përvojat e tij ku ishte përndjekur për disa vite nga një grua me probleme mendore, si dhe ishte përdhunuar nga një producent. Kjo shfaqje televizive që doli muajin e kaluar e ka pushtuar Netflixin, pasi ka grumbulluar 22 milionë shikime në vetëm tri javë. “Prindërit e mi nuk e kanë shikuar serinë, dhe i kam paralajmëruar kundër disa episodeve”, ka thënë Gaddi. “Ishte e rëndësishme që ta përfshija [në seri] atë që prindërit e kanë bërë për mua. Mendoj që gjërat nëpër të cilat kam kaluar rëndojnë mbi prindërit, dhe pendesa ime më e madhe është që i kam bërë të kalojnë për gjëra të tilla”. “Nuk mund të bëja asgjë për këtë, por ndihesha keq. S’kisha kah t’ia mbaja, andaj kisha nevojë për nënën dhe babanë”. “Ata janë shumë të veçantë, dhe kanë qenë në krahun tim. Por njëmend pendohem për shqetësimin që ua kam shkaktuar, e që vazhdon sot e kësaj dite”.