Kosovari 13 vjeçar Tiziano Kuznini, kampion i Kupës së Botës në karting (VIDEO)

Dominoi pothuajse gjatë gjithë kohës. Megjithatë, në xhiron e fundit të garës iu rrezikua pozita e parë në “WSK Championship Cup” që u mbajt në Itali. Prandaj, piloti me prejardhje nga Kosova, Tiziano Kuznini, në pistën e kartingut u desh ta japë më të mirën prej vetes në shteg. Ai arriti që të fitojë pozitën e parë pas një xhiroje perfekt që e pati, me ç'rast u shpall edhe kampion i Botës në kategorinë e juniorëve me ekipin e Team Driver. Ëndrra e 13-vjeçarit është që një ditë të garojë në Formula 1. Gara e radhës ku do të marrë pjesë Kuznini është përsëri në shtetin e Italisë, e që edhe aty është favoriti kryesor për të ngritur trofeun e radhës. /Klankosova.tv