Kosova pret 100 xhudistë në kampin stërvitor në Pejë

100 xhudistë nga 10 shtete do të jenë pjesë e kampit stërvitor në Pejë. Ky aktivitet i rëndësishëm sportiv do të mbahet nga 18 deri më 25 gusht. Kjo u bë e ditur nga trajneri i njohur Driton Kuka. Kuka dha edhe arsyen e këtij organizimi. "Kamp që do shërbejë për garuesit e rinj perspektiv dhe të rriturit potencial për garat në vazhdim!", tha Kuka. Kosova shkëlqeu në Lojërat Olimpike "Paris 2024", duke i 'rrëmbyer' dy medalje. Ishin xhudistet ato që ia sollën vendit tonë të argjendtën dhe të bronztën. Protagonistet ishin Distria Krasniqi, përkatësisht Laura Fazliu./Klankosova.tv