Kosova pëson humbje nga Norvegjia në Kampionatin Evropian për Vende të Vogla

Ekipi i Kosovës në basketboll në kategorinë e femrave ka pësuar humbje nga Norvegjia në Kampionatin Evropian për Vendet e Vogla. Vashat dardane e nisën mirë çerekun e parë ku e fituan me tre pikë epërsi, konkretisht 13:15. Ndërsa, në çerekun e dytë norvegjezet ishin më të mira, të cilat arritën ta kthejnë rezultatin në 41:34. Çereku më i dobët në këtë ndeshje për Kosovën ishte i treti, ku lojtaret kosovare s’arritën të shënojnë më shumë se dy pikë, teksa norvegjezet shënuan 25 sosh. Ndërsa, çerekun e katër Kosova e fitoi me tri pikë diferencë 15:18, por të pamjaftueshme për ta ndalë humbjen. Në fund, ndeshja u përmbyll me rezultat 81:54 ku dallimi është 27 pikë .