Kosova merr poste të rëndësishme në FIBA

Federata e Basketbollit të Kosovës, ka marr dy pozita të mëdha në Federatën Evropiane të Basketbollit. Në përbërjet e Komisioneve janë edhe dy zyrtarë nga FBK. Kryetari i Federatës së Basketbollit të Kosovës, Arben Fetahu është zgjedhur pjesë e Komisionit Ligjor. Ndërkaq Sekretarja e Përgjithshme, Elvira Dushku është emëruar si anëtare e Komisionit për Rini (Youth Comission). Fetahu e Dushku ishin të pranishëm si përfaqësuesit e FBK-së në Asamblenë e Përgjithshme të FIBA Evropës, ku u votua edhe për një mandat të kryetarit Turgay Demirel. Vota e Kosovës në këtë asamble ku u votua për kryetarin e ri dhe anëtarët e Bordit dhe të komisioneve për mandatin 2019-2023, shkoi pikërisht për Demirelin, i cili është mik i madh i basketbollit kosovar dhe ka qenë i gatshëm të ndihmojë FBK-në qysh para pranimit në FIBA.