Kosova edhe një herë mposhtet nga Rumania në basketboll

Përfaqësuesja e Kosovës në basketboll nuk ka arritur të triumfojë kundër asaj të Rumanisë dhe është mposhtur me rezultat 75-79. Pavarësisht spektaklit dhe përpjekjeve të mëdha që basketbollistët kosovarë bënë para tifozëve të tyre, ata nuk ia dolën që ta realizojnë fitoren e tyre të parë para-kualifikimet për Eurobasket 2021. Ndeshja u zhvillua në Pallatin e Rinisë dhe Sporteve në Prishtinë, në kuadër të Grupit B, transmeton Klan Kosova. Kujtojmë se Kosova ka pësuar disfata në tre duelet e para, dy herë nga Maqedonia dhe një herë nga Rumania. Tani kjo është disfata e katërt për këtë garë.

klankosova.tv