Ekipi i Kosovës e ka regjistruar fitoren e parë në turneun ndërkombëtar të futbollit Neymar Jr Five.
Dardanët fituan me rezultat bindës 5 me 0 ndaj Azerbajxhanit duke përfunduar ndeshjen para kohës 10 minutëshe sa zgjashin këto ndeshje me nga 5 lojëtarë në secilën anë.
Gazetari Jon Ajeti, që gjendet në Doha të Katarit, raporton se ndeshjen e radhës Kosova e luan ndaj ekipit të Kenias teksa grupet i përfundon me përballjen me Shqipërinë. Në fazën eliminatore kalojnë dy ekipet e para në tabelë.
Kosova është në mesin e 34 shteteve që me 64 ekipe djemësh e vajzash garojnë në turneun ndërkombëtar të futbollit të vogël “Neymar Jr Five”. Kosova garon vetëm me djemtë.
●●●
BXSHKRIMI NGA
B X
Editorial nga Klan Kosova — ndjek sport dhe zhvillimet e tjera kryesore të vendit.
