Sot Shtetet e Bashkuara të Amerikës kanë bërë thirrje që populli Kosovës mos ta votojë Albin Kurtin. Madje thirrja e SHBA-ve ka shkuar më tej duke e akuzuar si mashtrues dhe njeri të pabesueshëm për BE, NATO dhe SHBA.
I deleguari i Presidentit Trump ka theksuar se: “BE-ja dhe NATO-ja. Bashkësia ndërkombëtare është e bashkuar kundër Kurtit. Kurti ka qenë gjithashtu kundër çdo ideje të SHBA-së të ofruar nga presidentët Clinton, Bush, Obama, Biden dhe Trump. Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni” - thekson Richard Grenell.
Qëndrimi SHBA-ve vjen 5 ditë para zgjedhjeve parlamentare në Kosovë.
Kujtojmë që qeveria Kurti 1 është rrëzuar 5 vjet më parë nga Donald Trump në mandatin e parë dhe SHBA-të janë të vendosura mos bashkëpunojnë me politikanin më anti-amerikan në trevat shqiptare, siç e konsiderojnë ata. Ndërkohë aktivistët e Vetëvendosjes justifikohen se Kosova është sovrane dhe SHBA duhet zgjedh populli liderët e saj.
Tre pyetjet që shtrohen janë:
- Kosova i çlirua vetë apo nga amerikanët?
- 2- Pse Kosova nuk e fitoi pavarësinë dot e vetme për 1000 vjet luftë por e fituan për 100 ditë kur bombardoi Amerika?
- 3- Nëse SHBA nuk do e njihte Kosovën si shtet, a do ekzistonte sovraniteti i saj apo jo?
Sigurisht mosmirënjohësit e Vetëvendosjes janë gati t’i shpallin luftë perëndimit, vetëm për kolltukun e Albinit. Por ky është vetëm fillimi.
Çuditërisht sot Tirana heshti. Heshtën partitë e reja dhe të vjetra. Heshtën liderët e ri dhe të vjetër. Kjo tregon sa pak politik prodhon Tirana dhe sa pa integritet është klasa politike shqiptare.
Çuditërisht heshtën edhe Trumpistët e Tiranës. Ata heshtën dhe nuk dihet me kë janë: Me Trump apo me Albinin?
Në fakt ata heshtën sepse kanë frikë sepse po ju vjen radha. Ata e dinë që nuk është e largët dita kur Trump të bëjë thirrje se kush duhet të votohet në Shqipëri. Atë ditë Trumpistët e Tiranës do duken në sytë e shqiptarëve si super Trapa.
●●●
VRSHKRIMI NGA
Ve Ra
Editorial nga Klan Kosova — ndjek kolumne dhe zhvillimet e tjera kryesore të vendit.
