Kosova duhet tregojë me votë mirënjohjen ndaj ShBA-së

Sapo lexova një pyetësor me fëmijët shqiptarë në diasporë. Ndër ato ishte Pyetja: “Kush e ngriti flamurin kombëtar në Vlorë ditën e pavarësisë?” 23% e përgjigjeve ishte: “Flamurin e ngriti Albin Kurti”. U trishtova shumë dhe kuptova me një fjali të gjithë injorancën shoqërore dhe prapambetjen politike ku është zhytur populli shqiptar i Kosovës. 50% e tyre sot e quajnë Albin Kurtin legjendën historike dhe figurën e pazëvendësueshme të kombit shqiptar por pa dhënë asnjë argument: - Albini nuk është çliruesi i Kosovës - Albini nuk është themeluesi Republikës - Albini nuk është nënshkruesi pavarësisë - Albini nuk është krijuesi i shtetit - Albini nuk është lobuesi i njohjes së Kosovës E gjithë historia e Kosovës është rrafshuar për disa shqiptarë trutharë dhe viti zero fillon ditën e Albinit Kryeministër. Pa dyshim Albini përfiton nga konsumi i ish-qeveritarëve të korruptuar që u pasuruan pas lufte, por kjo nuk zhbën historinë e lavdishme të Rugovës dhe liderëve të UÇK-së. Albin Kuri publikisht ka thënë: “Pse disa shqiptare janë të gatshëm t’i falin krimet dhe borxhet Serbisë, por nuk janë të gatshëm me t’i fal 2000 euro nëse dikush t’i ka borxh”. Ide e shkëlqyer, por Albini harron që borxhet duhen kërku, por edhe duhen kthyer. Në psikologjinë e Albin Kurtit dhe aktivistëve të VV-së, është ngulit ideja që Kosova s’ka borxhe por të tjerët i kanë borxhe. Albini thotë: Ne shqiptarët as 2000 euro nuk t’i falim borxh, por harron sa miliarda euro ka shpenzuar Amerika për: - luftën në Kosovë - Çlirimin e Kosovës - Ndërtimin e institucioneve - Pavarësinë e Kosovës - Mbrojtjen e Kosovës dhe bazat ushtarake - Ndihmat për Kosovën ShBA dy ditë më parë ia kujtoi Kosovës borxhet. Kosova ishte e para në Ballkan. Vetëm për 4 vitet e fundit të Albin Kurtit, ka shpenzuar 558.000 milionë euro. Pyetja që shtrohet: A është gati populli i Kosovës t’ia kthej borxhin Amerikës? Format e kthimit borxhit janë tre: 1- Politikisht 2- Ekonomikisht 3- Territorialisht Fatmirësisht deri në këto momente administrata Trump i ka kërkuar Kosovës që borxhi të kthehet sipas pikës 1. (Politikisht), duke mos e votuar Albin Kurtin. Mbetet në duart e shqiptarëve të zgjedhin më mënyrën e kthimit borxhit. Nëse nuk zgjedhin borxhin politikisht, mos çuditen që pas një muaji, Trumpi ta ul në tavolinë Albin Kurtin dhe t’i thotë njësoj si Zelenskyt: nëse doni t’ju mbrojmë, çfarë na ofroni nga pasuritë e Kosovës? Atëherë do jetë vonë, jo për Albinin, por për atë pjesë të popullit që nuk zgjodhi kthimin e borxhit politikisht. Ata duhet kishin zgjedhur perëndimin, jo Albinin. Por kjo është e vështirë për ta kuptuar ata që nuk njohin borxhet Amerikës dhe kanë iluzionet e ndihmave qyl, sikur e kanë meritu që populli amerikan të paguante miliarda euro për disa mijëra njerëz mosmirënjohës. Ka ardhur koha me kuptu që Kosova s’ka qare me harru dhe me kalu pa i la borxhet Amerikës. Borxhi është borxh dhe duhet kthy. Liria është e shtrenjtë dhe duhet pagu.