Kori Siparantum ftohet të marrë pjesë në festën e fundvitit në koncertet e Wiener Konzerthaus

Ministria e Kulturës, Rinisë dhe Sportit ka bërë të ditur se kori Siparantum është ftuar të marrë pjesë në festën e fundvitit me Wiener Singakademie në koncertet e Wiener Konzerthaus. Sipas MKRS-së, koristët do të ngjiten në skenë së bashku me Orkestren Simfonike të Vjenës dhe Korin Wiener Singakademie, raporton Klan Kosova. “Performanca tradicionale e Simfonisë së 9-të të Beethoven-it është pjesë e festave të Vitit të Ri në Wiener Konzerthaus për 26 vjet. Këtë vit, kënaqësia është e dyfishtë, pasi Kori Siparantum do të jetë pjesë e këtyre koncerteve”, shkruan MKRS-ja. Koncertet janë planifikuar për datat 30 dhe 31 dhjetor 2023, si dhe 1 janar 2024, në orën 19:00.