Koreografi që lufton racizmin

Në edicionin e pestë të Festivalit të Koreografëve Latino-Amerikan në San Francisko, koreografi latin David Herrera po lufton racizmin nëpërmjet shfaqjes së vallëzimit. Herrera këtë shfaqje e konsideron si më të qetën që ka bërë deri tani, pasi ai është lodhur nga problemet që ndodhin në mes shteteve latine dhe SHBA-së. “Kështu vallëzimi është për të pasur ndjeshmëri ndaj njëri-tjetrit në një kohë të trazuar, për të mbijetuar nga trazirat, gjithashtu edhe për të ndërtuar një urë  më mirë sesa të ndërtohet një mur në mes”, tha ai për gazetën Guardian. Shfaqja quhet “Ringjallja e njerëzve të përditshëm”, këtu ndjeshmëria artistike shprehet nga valltaret të cilat janë të ngjyrave të ndryshme, e që shprehin trazirat e tyre personale. David Herrera është një nga nëntë artistët pjesëmarrës të festivalit tre ditor të cilat janë duke eksploruar se si tensionet politike, ekonomike, racore dhe fetare janë duke ndikuar tek latinët. Artistë e tjerë të ftuar janë  nga Peruja, Meksika, Hondurasi dhe SHBA-ja.