“Kontrolli dhe Makina e Dashurisë” shfaqet në teatrin “Adriana” në Ferizaj

Në teatrin e qytetit të Ferizajit “Adriana” mbrëmë është dhënë shfaqja 'Kontrolli dhe Makina e Dashurisë' me regji dhe skenar të Besim Ugzmajlit. Pjesë e publikut ishin edhe Ministri i Kulturës, Hajrullah Çeku dhe dy këshilltarët e tij, Liburn Jupolli dhe Dorotea Deshishku. Në shfaqje tregohet rrëfimi i një çifti përmes një drame që vë në dyshim moralin dhe vlerat njerëzore me të cilat shoqëria e sotme funksionon. Përmes një interpretimi të veçantë nga aktorët, prezantohet shoqëria e së ardhmes, që funksionon mbi një moral të ri që e ka imponuar zhvillimi teknologjik, transmeton Klankosova.tv. “Kontrolli dhe Makina e Dashurisë” është fituese e çmimit ‘Pruerje e re për Kompozim Regjisorial’ në Festivalin ‘Talia e Flakës 2020’ ndërsa është prodhim i Teatrit ‘Adriana’ të qytetit të Ferizajit.