Konjufca në takim me deputeten suedeze, flasin për praktikën e menaxhimit të fondeve publike

Kryetari i Kuvendit të Kosovës, Glauk Konjufca këtë të enjte është takuar me deputeten ne Parlamentin e Suedisë, Mia Syoë Molleby, ish-deputeten Inguna Sudraba në Parlamentin e Letonisë dhe Dag Levin Sparr, këshilltar i lartë në Zyrën Kombëtare të Auditimit të Suedisë dhe zyrtar ndërlidhës për BE. Molleby, Sudraba e Levin Sparr janë pjesëmarrës të punëtorisë “Rritja e ndikimit të aludimit përmes zbatimit të rekomandimeve, punëtori kjo që është organizuar nga Zyra Kombëtare e Auditimit. Molleby, e njoftoi të parin e Kuvendit të Kosovës në lidhje me bashkëpunimin me Zyrën Kombëtare të Auditimit dhe Kuvendin si dhe ndarjen e praktikave të mira në fushën e menaxhimit të fondeve publike. “Kryetari Konjufca, pasi vlerësoi rëndësinë e auditimit, falënderoi mysafirët për gatishmërinë e tyre që të bartin te ne përvojat në këtë fushë”, thuhet në kumtesën e kuvendit, transmeton Klankosova.tv. Pjesë e këtij takimi ishte edhe Auditorja e Përgjithshme, Vlora Spanca dhe zëvendës Auditori i Përgjithshëm, Bezad Halilaj.