Konfrontimi me Beqiragiqin, reagon Tmusic

Trepça ia doli që të triumfojë ndaj Vëllaznimit me rezultat 63:59 në kuadër të javës së 24-të të Superligës. Sidoqoftë, përtej rezultatit dhe luftës mes dy ekipeve në parket, ishte krejt diçka tjetër që mori vëmendjen. Trajneri i skuadrës mitrovicase, Adis Beçiragiq, iu vërsul basketbollistit të tij, Mikaile Tmusic, ku u desh ndërhyrja e lojtarëve të tjerë për të mos eskaluar situata. Por, duket se tani kjo mosmarrëveshje ka marrë fund, pasi Tmusic, i ka kushtuar një postim të veçantë trajnerit të tij. “E di që dukej keq, por kjo është arsyeja pse jemi kampionë gjatë gjithë këtyre viteve, sepse e duam lojën si askush tjetër me të njëjtin pasion”. “Në fund të ditës, jemi vetëm njerëz, vetëm dashuri dhe respekt për BABA Adisin”, ka shkruar ai.