Konfirmohet: Izraeli do të konkurrojë në Eurovizion

Organizatorët kanë konfirmuar se Izraeli do të lejohet të konkurrojë në “Eurovision Song Contest 2024” pas ndryshimit të tekstit në këngën e tij 'October Rain' - tani e titulluar 'Hurricane'. Këngëtarja 20-vjeçare ruso-izraelite, Eden Golan do të përfaqësojë vendin këtë maj, shkruan euronews, transmeton Klankosova.tv. Kënga e saj origjinale, "October Rain", i referohej sulmeve të Hamasit të 7 tetorit dhe ishte ndaluar për shkeljen e rregullave mbi neutralitetin politik. Transmetuesi publik i Izraelit ra dakord të ndryshojë këngën, tashmë të titulluar "Hurricane", e cila do të zbulohet këtë fundjavë.