Kompozitori kosovar Besim Baftiu do të jetë pjesë e festivalit të Sanremos

Kompozitori i muzikës Besim Baftiu, do të jetë pjesë e festivalit më të njohur të muzikës italiane  Sanremo. “Në  festivalin e Sanremos  do të jem në cilësinë e producentit dhe kompozitorit të këngës së këngëtarit  italiono-zvicerian Roberto Saita kënga është e zhanrit pop, dhe do të këndohet në gjuhën italiane. Konkurrimi për festival është bërë nga menaxhmeti  i këngëtarit,  kurse juria ka vendosur që ne të jemi pjesëmarrës  pas vlerësimit  të këngës të  kompozimit dhe të gjitha elementeve tjera “, ka thënë Baftiu për Klankosova.tv. Kjo nuk është hera e parë që kompozitori Baftiu merr pjesë në  festivalin e këngës italiane,  pasi  edhe në vitin 2018 ai ishte  pjesë  e tij, ku në mesin 2500 aplikantëve  Besim Baftiu ishte në 10 kompozitorët e përzgjedhur për pjesëmarrje. Sanremo është festivali më i njohur i muzikës në Itali, i cili për herë të parë është mbajtur në vitin 1951 kurse edicioni i radhës do të mbahet nga data 2  deri më 6 mars të vitit 2021