Kompany nxjerr frustrimin te gjyqtarët pas eliminimit nga Liga e Kampionëve: Është absurditet

Vincent Kompany shprehu pakënaqësitë e tij me vendimet e gjyqtarit dhe interpretimin e rregullave të lojës me dorë pas ndeshjes së kthimit gjysmëfinale të Ligës së Kampionëve, Bayern - PSG (1:1). Bavarezët u mposhtën 5:4 në ndeshjen e parë, dhe ndeshja e kthimit përfundoi 1:1, gjë që nuk mjaftoi për të kaluar në finale, shkruan Index.hr, raporton KlanKosova.tv. Trajneri i Bayernit theksoi dy situata. Në ndeshjen e parë kundër Bayernit, u akordua një penallti pasi topi i Davies fillimisht i goditi kofshën dhe më pas iu kthye nga dora. Në ndeshjen e kthimit, gjyqtari portugez Joao Pinheiro nuk akordoi penallti kur topi goditi krahun e shtrirë të mesfushorit të PSG-së, Joao Neves, pasi u largua nga shoku i tij i skuadrës Vitinha. "Topi nuk shkon nga trupi në dorë, ai shkon direkt në dorë. Nuk ka rëndësi nëse vjen nga një shok skuadre apo jo - është thjesht absurditet", tha Kompany për DAZN. Edhe pse gjyqtari në Mynih ndoqi interpretimin e rekomanduar të UEFA-s , kjo nuk e ngushëlloi trajnerin e Bayernit. "Rregullat janë rregulla. Është për të ardhur keq", shtoi ai. Sipas rregulloreve të Bordit Ndërkombëtar të Shoqatës së Futbollit (IFAB), nuk konsiderohet faull nëse topi godet dorën e një lojtari pasi është devijuar papritur nga shoku i tij i skuadrës.