Kombëtarja e Kosovës në Hendboll sot udhëton për Britani, Berisha: Në Derby për fitore edhe më të thellë

Federata e Kosovës në Hendboll do të udhëtojë për në Derby, ku nesër do të luajë ndeshjen e kthimit kundër Britanisë së Madhe duke filluar nga ora 14:00. Ndeshjen e parë, “Dardanët” e fituan me rezultat 30:22, ku një nga më të dalluarit ishte portieri Haris Berisha, i cili bëri 11 pritje. Berisha tha se Kosova e ka vendin në kualifikimet e Euro 2026 dhe në ndeshjen e kthimit do të mundohen t’i përmirësojnë gabimet e ndeshjes së parë. “Do të mundohemi të përmirësojmë gabimet e ndeshjes së parë dhe të arrijmë rezultat bindshëm më të mirë. Duam të festojmë së bashku në fund e pastaj të përgatitemi për pjesën finale të kualifikimeve për Euro 2026. Kosova e ka vendin në kualifikimet e rregullta dhe këtë duam ta dëshmojmë”, tha Berisha, transmeton Klankosova.tv. Çdo fitore, Kosovën do ta kualifikonte tutje, ndërsa në rast të humbjes, “Dardanët” duhet që të mos pranojnë më shumë se 8 gola.