Klubi zviceran i futbollit anulon koncertin e Kanye West

Klubi zviceran i futbollit FC Basel tha të shtunën se ka anuluar një koncert të Kanye West, duke u bërë vendi i fundit evropian që ndalon ose shtyn performancat e reperit amerikan për shkak të një zemërimi për komentet e tij të kaluara antisemite. FC Basel, të cilët janë përgjegjës për koncertet dhe ngjarjet që zhvillohen në stadiumin e tyre St. Jakob-Park, i thanë Reuters se pas një shqyrtimi të plotë të kërkesës për West për të performuar, ata vendosën që performanca e tij të mos zhvillohej, transmeton Klankosova.tv. "FCB mori një kërkesë dhe e shqyrtoi atë. Megjithatë, pas një shqyrtimi të plotë, ne kemi vendosur të mos vazhdojmë me projektin, pasi nuk mundemi, në përputhje me vlerat tona, të ofrojmë një platformë për artistin në fjalë brenda këtij konteksti", tha një zëdhënës i klubit për Reuters. Mediat zvicerane raportuan se koncerti ishte planifikuar të mbahej në qershor.