Klub amator por pesë herë kampion: Kush është SS Folgore, kundërshtari i KF Prishtinës në "Champions"

SS Folgore do të jetë kundërshtari i parë i KF Prishtinës në Ligën e Kampionëve për këtë edicion. Ky duel që do të zhvillohet nesër nga ora 20:00, pritet të jetë i pari për kampionin e Kosovës në këtë garë, shkruan Klan Kosova. Por kush është kundërshtari nga San Marino, SS Folgore? S.S. Folgore Falciano Calcio është klub amator nga shteti i San Marinos, shtet ky në gadishullin Apenin, apo e rrethuar nga Italia qendrore pranë detit Adriatik me 33.600 banorë dhe me sipërfaqe prej 61 kilometra katror. Aktualisht janë skuadra e tretë më e trofeshme me pesë tituj kampioni dhe katër herë nënkampion, pas La Fioritas me po aq tituj dhe Tre Fiorit me tetë tituj kampioni në këtë vend. Në portalin e vlerësimit të vlerës së futbollistëve, Transfermarkt, skuadra sanmarineze vlerësohen me 550 mijë euro, ndryshe prej Prishtinës me 3.65 milion euro. Kryetrajner i skuadrës është italiani me licencë “B”, Omar Lepri, 44 vjeç.