Klopp: Gjithçka nuk është në rregull me Realin

Jürgen Klopp, hodhi poshtë mundësinë e marrjes së drejtimit të stolit të trajnerit të klubit madrilen. Pas shkarkimit të Xabi Alonsos, Klopp dhe Zinedine Zidane u konsideruan si kandidatët kryesorë, por asnjëri nuk duket se është i interesuar për këtë pozicion. Strategu gjerman mban pozicionin e Drejtorit Global të Futbollit në Red Bull Group, një pozicion me më pak stres sesa trajneri. Në një intervistë me ServusTV, ai mohoi mundësinë e bashkimit me Realin. "Interesi i Real Madridit? Nuk jam i interesuar dhe nuk ka të bëjë fare me mua. Largimi i Xabi Alonsos është një shenjë se gjithçka nuk është 100 për qind në rregull. Spanjolli është një trajner i jashtëzakonshëm, por si pasardhës i legjendës Carlo Ancelotti, i cili kishte një mënyrë shumë specifike për të udhëhequr ekipet e tij, nuk ishte e lehtë për të. Më vjen shumë keq për të sepse mendoj se është një trajner i shkëlqyer", tha Klopp. Zinédine Zidane, një tjetër nga të preferuarit e presidentit të Realit, Florentino Pérez, ka të ngjarë të marrë drejtimin e ekipit kombëtar francez pas Kupës së Botës verën e ardhshme. Zidane dihet se dëshiron të drejtojë ekipin kombëtar dhe Federata Franceze e Futbollit është e gatshme t'i ofrojë atij rolin e pasardhësit të Didier Deschamps.