KF Shkupi - KF Llapi, ndeshja e Evropës pritet të zhvillohet në prani të 10 mijë shikuesve

Ndeshja e Ligës së Konferencës në mes të KF Shkupit dhe KF Llapit pritet të zhvillohet me prani të shikuesve. Këtë e ka bërë të ditur skuadra shqiptare nga kryeqyteti i Maqedonisë së Veriut, përcjell Klan Kosova. ‘Sipas protokolleve të reja dhe lehtësimit të masave anti-COVID, në këtë përballje stadiumi do të jetë i hapur me 30% të kapacitetit sa ka stadiumit (36.400), që do të thotë se në tribuna atë ditë do të mundë të kemi mbi 10 mijë shikues”, thuhet në njoftim zyrtar. Ndeshja e parë në mes dy skuadrave shqiptare pritet të zhvillohet më 8 korrik në stadiumin “Todor Proeski”.