Lajmet e fundit
Ekspertët thonë se disa shenja të veçanta mund të tregojnë se një person ka "autizëm të fshehur", një formë autizmi që shpesh mbetet e paidentifikuar, sidomos tek të rriturit.
Sipas specialistëve, mijëra britanikë mund të jetojnë me këtë çrregullim zhvillimor, i cili shkakton ndjenja ekstreme të mbingarkesës dhe vështirësi në socializim, mes problemeve të tjera, transmeton klankosova.tv.
Megjithatë, shumë të rritur mund të mos e dinë që kanë këtë gjendje, pasi ajo mund të ketë kaluar pa u vënë re gjatë fëmijërisë së tyre.
Disa nga shenjat që mund të tregojnë se partneri juaj mund të ketë autizëm përfshijnë vështirësitë në përgjigjen ndaj pyetjeve të hapura, si "Si jeni?", duke dhënë përgjigje që mund të duken shumë të drejtpërdrejta, të ashpra dhe të pa ndjeshme. Dr. Mikki Lee Elembaby, psikologe e specializuar për autizmin nga Clarity Therapy në New York, tha se këto mund të çojnë në keqkuptime të mundshme dhe të papritura në marrëdhënie, për shkak të mungesës së kuptimit të normave sociale.
Një tjetër shenjë është ndjenja e shterjes pas ndërveprimeve sociale, si festa ose mbledhje miqsh, që mund të shkaktojë një ndjenjë të thellë lodhjeje dhe pasigurie tek ata që vuajnë nga ky çrregullim.
Ekspertët theksojnë se, nëse njohim këto shenja, mund të jetë e mundur të identifikojmë autizmin e fshehur dhe t'u ofrojmë ndihmën dhe mbështetjen e nevojshme individëve që mund ta kenë këtë gjendje, por nuk janë të vetëdijshëm për të.
