Këto janë ndeshjet e Euroligës në basketboll që do të transmetohen në Artmotion, spikat ajo mes Realit dhe Yllit të Kuq

Sonte do të luhen pesë ndeshje basketbollistike në kuadër të Euroligës, ku katër nga to do të transmetohen në kanalet sportive të Artmotion. Ndeshja më interesante do të jetë ajo në mes Real Madridit dhe Yllit të Kuq, që nis nga ora 20:45, ku aktualisht serbët janë në vendin e parë në tabelë me tri ndeshje të fituara. Ndërsa, në anën tjetër Reali gjendet në pozitën e nëntë me dy ndeshje të fituara dhe dy të humbura, njofton Klankosova.tv. Në pesë ndeshjet e fundit mes Real Madridit dhe Yllit të Kuq, klubi spanjoll i ka pesë fitore. Ndeshje tjetër interesante që do të transmetohet në kanalet sportive të Artmotion është edhe ajo në mes Monacos dhe Paris Basketball me fillim nga ora 19:00. Në këtë takim, Monacon e pret përballje e lehtë përballë Parisit. Aktualisht Monaco gjendet në vendin e tretë me tri fitore e një humbje, ndërsa Parisi ka tri humbje dhe veç një fitore.