Kërkohet paraburgim për adminin e grupit "AlbKings"

Prokuroria Themelore e Prishtinës ka paraqitur kërkesë për caktimin e masës së paraburgimit ndaj adminit të grupit "AlbKings". Kjo u konfirmua për Klankosova.tv nga zëdhënësja e kësaj prokurorie Laureta Ulaj. "Ju njoftojmë se prokuroria ka paraqitur kërkesë për caktimin e masës së paraburgimit ndaj të pandehurit në gjykatën kompetente", tha Ulaj për Klankosova.tv Të mërkurën, një person i dyshuar ra në prangat e policisë nën dyshimin për vepren penale “Vjedhja e identitetit dhe kredencialeve”. Ai ishte ndaluar për 48 orë. "Prokuroria Themelore në Prishtinë njofton se pas publikimit të informatave në media për aktivitetet e grupit “Albkings” në rrjetin social “Telegram”, sipas detyrës zyrtare, ka iniciuar hetime dhe në koordinim të plotë me Policinë e Kosovës-Njësinë e Hetimeve të Krimeve Kibernetike ka ndërmarrë veprime hetimore në identifikimin e personave të cilët kanë menaxhuar këtë llogari dhe grupe të tjera që ndërlidhen me këtë grup, e përmes së cilit është bërë shpërndarja e fotografive dhe videove të ndryshme intime të femrave në aplikacionin e lartcekur, përfshirë edhe të dhënat personale të tyre për ofrimin e shërbimeve seksuale", u tha në njoftim. Arrestimi i tij, u mirëprit nga ministrja e Drejtësisë Albulena Haxhiu. https://klankosova.tv/ndalohet-nje-person-i-dyshuar-per-vdekjen-e-ukrainases-ne-kosove/