Kenan Haxhihamza, “Ylli i Javës” në Superligë

Kenan Haxhihamza është zgjedhur futbollisti më i mirë i javës së 19-të në Superligën e futbollit. Portieri i Gjilanit me pritjet e tij ishte vendimtar në fitoren e ekipit të tij kundër Llapit në udhëtim me rezultat 1:0, duke ua mundësua tri pikë të vlefshme “Skifterave”. Për këtë, portieri cilësor e fitoi çmimin “Ylli i Javës”, transmeton Klankosova.tv Pasi mori këtë çmim, Haxhihamza u shpreh i lumtur që u vlerësua si më i miri i javës. “Është rëndësishme që kemi fituar ndeshjen e parë sepse është një hap i rëndësishëm për hapjen e sezonit. Kjo është një rezultat i punës që kemi bërë në fazën përgatitore. Sa i përket kundërshtarit, ne jemi takuar edhe dy herë më parë me Llapin në këtë kampionat dhe kemi pasur rezultate pozitive. I njohim pikat e dobëta dhe të forta të tyre. Pas transferimeve, kemi krijuar një grup shumë më të kualitetshëm dhe na mbetet ne të bëjmë punën në fushë për të sjellë rezultate dhe të dalim sa më shpejt në lojën që kërkon stafi teknik. Na ka ndihmuar shumë fakti që jemi bashkë që 6 muaj. Synimet e klubit janë minimum dalja në Evropë. Ne jemi akoma në Kupë dhe do të luftojmë edhe për të fituar këtë trofe dhe për ta përmbyllur mirë sezonin. Çmimin ia dedikoj të gjithë atyre që kanë investuar në mua që nga dita e parë, gjithashtu bashkëlojtarëve të cilët kanë derdhur djersë që rezultati i ndeshjes të mbrohet”, deklaroi ai për faqen zyrtare të FFK-së transmeton Klankosova.tv