KEK-u dy çerekë larg ngjitjes historike në Superligë

KEK-u është vetëm dy çerekë larg ngjitjes në Superligën e Kosovës në basketboll. Kjo pasi skuadra nga Obiliqi po e mposht gjatë pjesës së parë Grapeland Rahovecin me rezultat 33:31. Në çerekun e parë ishte Grapeland Rahoveci duke udhëhequr me dy pikë më shumë, 17:19, njofton Klankosova.tv. Punët po i ecnin mirë mysafirëve deri në minutën e fundit të çerekut të dytë, por katër pikë të shpejta të vendasve bënë që rezultati të ndryshonte. Më i miri në parket gjatë pjesës së parë te KEK-u ishte basketbollisti Clark me 13 pikë e tri kërcime, ndërsa te Grapeland Rahoveci u dallua Rexha me 12 pikë, gjashtë kërcime e dy asistime. Ndeshjen mes KEK-ut dhe Grapeland Rahovecit mund ta ndiqni live në Sport 2 në platformën më të madhe në shqiptari, Artmotion.