Shenjat e dhunës që i ka në trup, Arlind Islami pretendon se i mori nga goditjet që ia dhanë disa policë.
Por, ai insiston se veç tij, forcat e rendit ia rrahën brutalisht edhe vëllain, Donartin, 17 vjeç, raporton Klan Kosova.
Ngjarja raportohet të ketë ndodhur në orët e hershme të së hënës në Vranjevc të Prishtinës, kur patrulla policore e përbërë nga 4 zyrtarë ndaluan një veturë, me të cilën, siç thuhet, vëllezërit Islami po garonin karshi një makine tjetër.
Arlindi pranon se ofendoi zyrtarët kur këta deshën ta dënojnë Donartin, meqë ky s’kishte patentë shoferi.
Ata, sipas tij, e futën në veturë atë, ku siç thotë, filluan me grushtet e para.
Policët arrestuan edhe 17 vjeçin, me të cilin u përplasën fizikisht, po ashtu.
Islamët, gjithnjë sipas Arlindit, pretendojnë se e pësuan edhe më keq gjatë 40 minutave të qëndrimit në stacion, ku u dërguan për të dhënë deklarata.
Donartit iu caktua masa e paraburgimit prej 30 ditëve ndërsa Arlindi u lirua më pas, duke marrë me vete një gjobë prej 150 euro.
U dërgua edhe shtëpi, por, vetëm kur ky përmendi Inspektoratin Policor.
[caption id="attachment_2653984" align="alignnone" width="640"]
Në foto, Arlind Islami, pas dhunës që thotë se e përjetoi nga zyrtarët policorë. Foto: Klankosova.tv[/caption]
Nëna e dy djemve thotë se ajo çfarë pa te Donarti kur erdhi në shtëpi ishte shqetësuese.
Klani ka dërguar pyetje në IPK, nga ku edhe u konfirmua pranimi i ankesës për policët që dyshohen për dhunë.
Klani kërkoi një përgjigje edhe nga policia për këtë ngjarje, por nuk e mori një të tillë.
Megjithatë, në raportin 24 orësh ku policia raporton për ngjarjet dhe incidentet në vend, u përmend vetëm fakti i lëndimit të zyrtarëve të vetë. Pavarësisht se diçka të tillë pësuan edhe vëllezërit Islami, ata nuk pranuan ekzaminime shëndetësore./Klankosova.tv
https://www.youtube.com/watch?v=mVTdLrv2P6c
●●●
GSHKRIMI NGA
G.U
Editorial nga Klan Kosova — ndjek video lajme dhe zhvillimet e tjera kryesore të vendit.
Në foto, Arlind Islami, pas dhunës që thotë se e përjetoi nga zyrtarët policorë. Foto: Klankosova.tv[/caption]
Nëna e dy djemve thotë se ajo çfarë pa te Donarti kur erdhi në shtëpi ishte shqetësuese.
Klani ka dërguar pyetje në IPK, nga ku edhe u konfirmua pranimi i ankesës për policët që dyshohen për dhunë.
Klani kërkoi një përgjigje edhe nga policia për këtë ngjarje, por nuk e mori një të tillë.
Megjithatë, në raportin 24 orësh ku policia raporton për ngjarjet dhe incidentet në vend, u përmend vetëm fakti i lëndimit të zyrtarëve të vetë. Pavarësisht se diçka të tillë pësuan edhe vëllezërit Islami, ata nuk pranuan ekzaminime shëndetësore./Klankosova.tv
https://www.youtube.com/watch?v=mVTdLrv2P6c
