Katër erëza mund të përshpejtojnë humbjen e peshës dhe të zvogëlojnë inflamacionin

Erëzat nuk janë vetëm përmirësues të shijes – ato janë të pasura me përbërës të fuqishëm që ofrojnë përfitime të shumta shëndetësore. Përveç pasurimit të pjatave me aromë, ato përmbajnë substanca bioaktive që mund të ndikojnë pozitivisht në shëndet. Shumë erëza kanë veti anti-inflamatore, nxitëse metabolike dhe antikancerogjene, duke i bërë ato një shtesë e shkëlqyer për një dietë të ekuilibruar, thonë ekspertët. Disa prej tyre mund të ndihmojnë në rregullimin e sheqerit në gjak, përmirësimin e tretjes dhe mbështetjen e sistemit imunitar. Konsumimi i rregullt i disa erëzave mund të kontribuojë në ruajtjen afatgjatë të shëndetit dhe parandalimin e sëmundjeve kronike. Ekspertët e të ushqyerit kanë zbuluar katër erëza që kontribuojnë në shëndetin e përgjithshëm dhe humbje peshe.  Shafrani i Indisë Shafrani i Indisë është i njohur për aftësinë e tij për të reduktuar inflamacionin kronik falë përbërësit të tij aktiv kurkumin. " Shafrani përmban kurkuminë, e cila ka veti anti-inflamatore. Duke reduktuar inflamacionin, ai mund të mbështesë humbjen e peshës, duke përfshirë yndyrën e barkut," thotë dietologia Kimberly Booker për SheFinds.  Piperi i zi Piperi i zi nuk është vetëm i domosdoshëm në kuzhinë, por gjithashtu mund të ndihmojë në uljen e inflamacionit kronik dhe përmirësimin e metabolizmit. “Piperina, përbërësi aktiv në piperin e zi, ka qenë i lidhur me përmirësimin e metabolizmit të yndyrës dhe mund të përmirësojë përthithjen e lëndëve të tjera ushqyese, duke përfshirë ato që mbështesin humbjen e peshës”, shpjegon Booker. Ajo gjithashtu shton se piperina ka veti antioksiduese dhe anti-inflamatore që mund të "zvogëlojnë stresin oksidativ dhe inflamacionin e lidhur me zhvillimin e kancerit  Kanella Kanella njihet për shijen e saj të shkëlqyer, por edhe për vetitë e saj të forta antioksiduese dhe anti-inflamatore. "Një nga erëzat më të mira anti-inflamatore është kanella. Ajo përmban antioksidantë dhe komponime të fuqishme që mund të reduktojnë inflamacionin në trup", thotë dietologia Trista Best. Nutricionistja Mary Sabat pajtohet dhe shton: Kanella mund të zvogëlojë fryrjen dhe të përmirësojë tretjen.  Xhenxhefili Xhenxhefili është një tjetër erëz me përfitime mbresëlënëse shëndetësore, veçanërisht në reduktimin e inflamacionit, fryrjes dhe gazrave. “Xhenxhefili është unik në atë që përmban komponime të quajtura gingerolë, të cilat krijojnë një efekt antioksidant në trup dhe reduktojnë dëmtimin e qelizave nga radikalet e lira”, thotë Best. Ajo shpjegon se ky proces ndihmon në luftimin e stresit oksidativ, i cili mund të kontribuojë në obezitetin dhe zhvillimin e kancerit. Mjekja Melina Jampolis shton: "Në një studim, gratë që konsumonin dy gramw (rreth gjysmë luge çaji) xhenxhefil pluhur çdo ditë kishin një indeks të masës trupore (BMI) të reduktuar, transmeton Klankosova.tv