Kastrati nuk kursehet: Kabineti i Kurtit, analfabetë funksionalë (VIDEO)

Ish-deputeti i Kuvendit të Kosovës, Ardian Kastrati, hodhi kritika të ashpra për kryeministrin në detyrë, Albin Kurti.

Në DPT te Fidani në Klan Kosova, ai tha se kabineti i këtij të fundit është në një nivel me analfabetët funksionalë. Sipas tij, ata qeverin në mënyrë banditeske.

"Dhe duke e parë që ky s'ka as ekip e as kabinet, se nuk është bash i padijshëm ky, dhe duke e parë çdo 5-6 muaj zgjedhje, veç me i çu gishtat, Kurti 5, Kurti7, Kurti 20. Nëse ky satisfaksion e kënaq qytetarin, 'bravo... fitoi baba', qysh po e quajnë ata. Urdhëroni, ishalla ngiheni", deklaroi Kastrati në Klan Kosova.

Ai tha se nuk është ky problemi i tij, por shtoi se populli është në gjendje të rëndë ekonomike për faj të paditurisë së Kurtit për të qeverisur. "S'e kam unë atë problem, mirëpo populli nuk po ngihet me bukë e me ushqim e qeverisje, sepse ky nuk po di të qeverisë", shtoi Kastrati.